Diploma Cyswllt mewn Rheoli Pobl CIPD - Ar-lein a Dosbarth Rhithiol
Ynghylch y cwrs hwn
Mae’r Diploma Cyswllt Rheoli Pobl Lefel 5 yma yn ddelfrydol ar gyfer uwch ymarferwyr pobl cyfredol a rhai sy’n anelu i fod yn uwch ymarferwyr pobl.
Cwblheir y cwrs dros 8–12 mis drwy gyfuniad strwythuredig o hunan-astudio ar y Llwyfan Dysgu Mindful Education a grwpiau tiwtorial bob pythefnos gyda’ch Tiwtor Cwrs, a gynhelir ar foreau Mercher o 9:30am tan 11:30am (yn ystod y tymor yn unig) ar Microsoft Teams.
Mae’r cymhwyster hwn hefyd ar gael drwy ein Llwybr Prentisiaeth, sy’n cynnig y cyfle i ddysgwyr ennill profiad gwerthfawr yn y gweithle wrth astudio’r cymhwyster CIPD.
Beth fyddwch chi’n ei astudio
Rydym yn gweithio mewn partneriaeth â Mindful Education i gyflwyno'r cwrs hwn drwy gyfrwng ein model hyblyg Dosbarth Ar-lein a Rhithwir.
Ar-lein, byddwch yn astudio gwersi fideo sydd wedi ennill gwobrau. Mae'r rhain ar gael ar alw, a gallwch eu gwylio ar eich ffôn, llechen neu gyfrifiadur - sy'n golygu y gallwch ddewis sut, pryd a ble rydych am astudio. Mae gwersi'n para tua 45 munud ac yn cynnwys animeiddiadau a graffeg symudol i ddod â chysyniadau yn fyw. Mae cwestiynau ymarfer, deunyddiau gwersi y gellir eu lawrlwytho ac astudiaethau achos rhyngweithiol yn helpu i gyfoethogi'r profiad dysgu ymhellach a dylai dysgwyr ddisgwyl treulio tua 4-5 awr yr wythnos yn astudio'n annibynnol ar-lein.
Yn y Dosbarth Rhithiol, byddwch yn elwa ar ddosbarthiadau rheolaidd gyda thiwtor coleg - heb orfod ymrwymo i fynychu sawl noson yr wythnos. Bydd eich tiwtor yn adolygu’r hyn rydych wedi'i ddysgu yn ystod eich gwersi ar-lein a bydd ar gael i gynnig arweiniad ynghylch cynnydd ac asesu. Bydd trafod yn rheolaidd â chyd-fyfyrwyr yn helpu i atgyfnerthu pwyntiau allweddol a hefyd yn darparu'r gefnogaeth a'r cymhelliant ychwanegol a geir wrth fod yn rhan o grŵp.
Dull Asesu:
I gyflawni’r cymhwyster hwn, byddwch yn gweithio drwy gyfres o aseiniadau uned a bydd gan bob un dyddiad ac amser cyflwyno penodedig.
Bwriad yr aseiniadau hyn yw eich helpu i fagu hyder a chymhwysedd wrth ddatblygu’r wybodaeth a’r ymddygiad craidd sydd wedi’u nodi yn y Map Proffesiwn CIPD (Lefel Cyswllt).
Byddwch yn astudio 7 uned:
- 5C001 Perfformiad a Diwylliant Sefydliadol yn Ymarferol
- 5C002 Ymarfer Seiliedig ar Dystiolaeth
- 5C003 Ymddygiadau Proffesiynol a Gwerthfawrogi Pobl
- 5HR01 Rheoli Perthynas Cyflogaeth
- 5HR02 Rheoli Talent a Chynllunio Gweithlu
- 5HR03 Gwobrwyo Perfformiad a Chyfraniad
- 5OS01 Cyfraith Cyflogaeth Arbenigol
Ar ôl i chi gwblhau eich aseiniadau, caiff yr holl ganlyniadau eu hadolygu drwy broses Gymedroli swyddogol CIPD. Mae cymedroli’n digwydd yn ystod cyfnodau penodol drwy gydol y flwyddyn, a all ymestyn yr amser mae’n ei gymryd i gael eich cadarnhad terfynol. Ar ôl i’ch canlyniadau gael eu cymeradwyo, mae CIPD ei hun yn anfon ardystiad digidol, fel arfer ymhen pedair i chwe wythnos.
Aelodaeth CIPD:
I astudio’r cymhwyster hwn, bydd angen Aelodaeth CIPD weithredol arnoch am gyfnod llawn y cwrs. Nid yw ffioedd aelodaeth yn cael eu cynnwys ym mhris eich cwrs gan eu bod yn bersonol i chi ac yn gallu cael eu cynnal y tu hwnt i’ch cymhwyster er mwyn parhau i gefnogi eich taith broffesiynol. Mae gwybodaeth am Ffioedd Aelodaeth CIPD i'w chael ar wefan CIPD.
Byddwn yn eich arwain drwy’r broses cofrestru aelodaeth wrth ymrestru er mwyn i chi gael dechrau arni'n ddidrafferth.
Y broses ymgeisio:
Ar ôl cyflwyno eich cais, bydd ein tîm yn cysylltu â chi i drefnu cyfweliad Microsoft Teams o bell. Bydd y cyfarfod byr hwn gydag aelod o’r tîm CIPD yn asesu eich addasrwydd ar gyfer y cymhwyster yn unol â chanllawiau CIPD a dyma fydd yn gyfle i chi ddysgu rhagor am strwythur y cwrs.
Ffïoedd cwrs
Ffi Cwrs: £3,295.00
Gofynion mynediad
Gallwch wneud cais am y cwrs hwn os ydych chi'n bodloni'r pethau canlynol: • Yn 19 mlwydd oed neu hŷn • Ddim mewn addysg lawn amser nac wedi ymrestru ar gwrs CCAF a ariennir ar hyn o bryd • Yn gallu darparu tystiolaeth o TGAU Saesneg (A-C) neu gymhwyster cyfwerth/uwch. Os na allwch ddarparu'r dystiolaeth hon, efallai y bydd gofyn i chi gwblhau tasg ysgrifenedig fer • Yn gweithio mewn uwch swydd ymarfer pobl ar hyn o bryd yn arwain a rheoli pobl ac ymarfer mewn sefydliad, neu brofiad o swydd o'r fath
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Rhan Amser
Cod y cwrs
Cymhwyster
Mwy...
Rhagolygon gyrfa ac astudio pellach
Gall cwblhau Diploma Cyswllt mewn Rheoli Pobl lefel 5 yn llwyddiannus wella eich rhagolygon o ran gyrfa’n sylweddol drwy eich darparu gyda sgiliau uwch mewn rheoli ac arweinyddiaeth AD strategol. Byddwch yn ennill gwell dealltwriaeth o amrywiaeth o feysydd arbenigol AD, gan eich gwneud yn ased gwerthfawr mewn unrhyw sefydliad.