Tystysgrif Sylfaen AAT mewn Cyfrifeg

Mae pob uned o yn y cymhwyster hwn yn hanfodol - asesir pedair uned yn unigol yn ystod yr asesiadau diwedd uned. Mae’r cymhwyster hefyd yn cynnwys asesiad synoptig, tua diwedd y cwrs, sy’n defnyddio ac yn asesu gwybodaeth a dealltwriaeth o bob rhan o'r maes:

• Cadw Cyfrifon Uwch - asesiad diwedd uned
  
• Paratoi Cyfrifon Terfynol - asesiad diwedd uned
  
• Cyfrifeg Rheoli: Prisio - asesiad diwedd uned
  
• Treth Anuniongyrchol - asesiad diwedd uned
  
• Moeseg i gyfrifwyr - yn cael ei asesu o fewn yr asesiad synoptig
  
• Taenlenni ar gyfer Cyfrifeg - yn cael ei asesu o fewn yr asesiad synoptig.
  
• Bydd disgyblion sy’n cwblhau’r cymhwyster hwn yn datblygu sgiliau cyfrifeg mewn cadw cyfrifon cofnod dwbl a phrisio sylfaenol, yn ogystal â dealltwriaeth o brynu, gwerthu a chyfriflyfrau cyffredinol. Bydd myfyrwyr yn dysgu sut i ddefnyddio meddalwedd cyfrifeg a datblygu'r sgiliau ac ymddygiadau proffesiynol sydd eu hangen i gyfrannu'n effeithiol yn y gweithle. Mae gweithio ym maes cyfrifeg yn gofyn am sgiliau cyfathrebu da, sgiliau TG a dealltwriaeth o’r amgylchedd busnes, ac mae pob un ohonynt wedi’u cynnwys yn y cymhwyster.

Mae hwn yn gwrs galwedigaethol ac ymarferol a byddwch yn dysgu sgiliau hanfodol sy’n berthnasol i amgylchedd cyfrifeg. Darperir darlithoedd ar gyfer pob uned, a chynigir cymorth tiwtorial hefyd. I astudio cwrs AAT, mae angen i chi ymuno â'r AAT fel aelod myfyriwr, yn ogystal â chofrestru yn y coleg. Mae'r AAT yn cynnig ystod o fuddion i aelodau myfyrwyr, gan gynnwys cefnogaeth, cymorth i ddod o hyd i swydd a phrisiau gostyngol arbennig.

Rhaid i ddysgwyr gwblhau pedair asesiad uned ac un asesiad synoptig yn llwyddiannus i gyflawni’r cymhwyster hwn. Cyfran y cymhwyster hwn a asesir drwy asesiad allanol yw 100%.

Mae’r holl asesiadau yn y cymhwyster hwn:

• Yn cael eu gosod a'u marcio gan AAT (gyda’r eithriad o RPL, sy’n cael ei farcio gan y darparwr hyfforddiant)
  
• Yn cael eu cwblhau ar gyfrifiadur
  
• Yn asesiadau â chyfyngiad amser.
  
• Yn cael eu hamserlennu gan ddarparwr hyfforddiant neu leoliad asesu
  
• Yn cael eu cynnal mewn canolfannau a lleoliadau cymeradwy dan amodau rheoledig
  
• I ennill y cymhwyster ac i gael gradd, rhaid i fyfyrwyr lwyddo yn yr holl asesiadau uned gorfodol a’r asesiad synoptig.

Ni ddyfernir graddau yn unigol i asesiadau uned ac asesiadau synoptig, ond mae’r marciau a enillir ym mhob asesiad yn cyfrannu at radd gyffredinol y myfyriwr ar gyfer y cymhwyster.

Ffi Arholiad : £275.00

Ffi Cofrestru: £45.00

Ffi Cwrs: £785.00

4 TGAU gradd A*- C neu L2 ESOL neu IELTS 6.5. Bydd angen i chi fynychu cyfweliad ac ymgymryd ag asesiad sgiliau. Bydd dysgwyr aeddfed yn cael asesiad Iaith Saesneg a Mathemateg.

• Asesiadau

• Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.

• Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.

• Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.

• Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.

• Gall ffioedd cyrsiau newid. Cadarnheir eich ffi cyn ymrestru.

• Mae pob cwrs yn fanwl gywir adeg uwchlwytho neu argraffu'r deunydd hwn.

• Dim ond os oes niferoedd digonol y cynhelir y cyrsiau.

• Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.