Tystysgrif Sylfaen CIPD mewn Ymarfer Pobl - Ar-lein a Dosbarth Rhithiol

Dull astudio: Dosbarth Ar-lein a Rhithwir

Rydym yn gweithio mewn partneriaeth gyda Mindful Education i gyflwyno'r cwrs hwn drwy gyfrwng ein model hyblyg Ar-lein a Rhithwir.

Ar-lein:

Ar-lein, byddwch yn astudio gwersi fideo sydd wedi ennill gwobrau. Mae'r rhain ar gael ar alw, a gallwch eu gwylio ar eich ffôn, tabled neu gyfrifiadur - sy'n golygu y gallwch ddewis sut, pryd a ble rydych am astudio. Mae gwersi'n para tua 45 munud ac yn cynnwys animeiddiadau a graffeg symudol i ddod â chysyniadau yn fyw. Mae cwestiynau ymarfer, deunyddiau gwersi y gellir eu lawrlwytho ac astudiaethau achos rhyngweithiol yn helpu i gyfoethogi'r profiad dysgu ymhellach a dylai dysgwyr ddisgwyl treulio tua 4-5 awr yr wythnos yn astudio'n annibynnol ar-lein.

Dosbarth Rhithwir:

Ar y campws, byddwch yn elwa o gael dosbarthiadau rheolaidd gyda thiwtor coleg - heb orfod ymrwymo i fynychu sawl noswaith bob wythnos. Bydd eich tiwtor yn adolygu’r hyn rydych wedi'i ddysgu yn ystod eich gwersi ar-lein a bydd ar gael i gynnig arweiniad ynghylch cynnydd ac asesu. Bydd trafod yn rheolaidd gyda chyd-fyfyrwyr yn helpu i atgyfnerthu pwyntiau allweddol a hefyd yn darparu'r gefnogaeth a'r cymhelliant ychwanegol a geir wrth fod yn rhan o grŵp.

Cynnwys ac Asesiad:

Mae’r cwrs hwn yn cael ei ddarparu ar-lein drwy gyfrwng cymysgedd o Hunan-astudio a thiwtorialau byw o 2 awr bob yn ail ddydd Iau.

Mae’r cymhwyster ei hun wedi’i adeiladu o amgylch y Map Proffesiwn CIPD sy’n gosod y meincnod rhyngwladol ar gyfer gweithwyr proffesiynol pobl, gan gyfuno cyfres o werthoedd craidd, gwybodaeth ac ymddygiadau sy’n arwain gweithwyr proffesiynol pobl wrth iddynt wneud penderfyniadau a gweithredu.

Er mwyn sicrhau’r cymhwyster hwn, bydd gofyn i chi ysgrifennu a chyflwyno aseiniadau uned i derfynau amser. Mae 4 uned i gyd:

3CO01: Busnes, diwylliant a newid yn eu cyd-destun

3CO02: Egwyddorion dadansoddeg

3CO03: Ymddygiadau craidd ar gyfer gweithwyr proffesiynol pobl

3CO04: Hanfodion gweithio gyda phobl

Aelodaeth CIPD:

Bydd pob myfyriwr angen Aelodaeth CIPD gweithredol drwy gydol cyfnod eu cymhwyster. Nid yw CCAF yn cwrdd â chostau Aelodaeth gan mai aelodaeth bersonol y mae gennych chi’r cyfle i’w dal wedi i chi gymhwyso ydynt. Byddwn yn eich gwahodd chi i gofrestru eich Aelodaeth wrth i chi gofrestru.

Y Broses Ymgeisio:

Cyfweliad o bell gydag aelod o’ch tîm CIPD er mwyn asesu eich addasrwydd ar gyfer y lefel yma o gymhwyster yn erbyn canllawiau CIPD.

Ffi Arholiad : £105.00

Ffi Cofrestru: £45.00

Ffi Cwrs: £1,400.00

Rydych yn gymwys ar gyfer y cwrs hwn os ydych:

• yn 19+ oed
• heb fod mewn addysg amser llawn
• yn gallu darparu tystiolaeth o A*- C mewn TGAU Saesneg neu gyfwerth, neu gymhwyster uwch. Os na allwch ddarparu'r dystiolaeth hon, efallai y gofynnir i chi gwblhau tasg a ysgrifennwyd yn fyr.
• yn dyheu am weithio mewn neu yn gweithio ar hyn o bryd mewn rôl ymarfer pobl yn arwain a rheoli pobl ac ymarfer o fewn sefydliadau

• Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.

• Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.

• Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.

• Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.

• Gall ffioedd cyrsiau newid. Cadarnheir eich ffi cyn ymrestru.

• Mae pob cwrs yn fanwl gywir adeg uwchlwytho neu argraffu'r deunydd hwn.

• Dim ond os oes niferoedd digonol y cynhelir y cyrsiau.

• Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.