Diploma Cyswllt CIPD mewn Dysgu a Datblygu Sefydliadol

Yn cynnwys 7 uned graidd sy’n cyd-fynd â’r wybodaeth graidd a safonau ymddygiad y Map Proffesiwn CIPD ar Lefel Gyswllt.

• Perfformiad a diwylliant sefydliadol yn ymarferol
• Cefnogi dysgu hunangyfeiriedig a chymdeithasol
• Ymddygiad Proffesiynol a Gwerthfawrogi Pobl
• Dylunio dysgu a datblygu i greu gwerth
• Ymarfer sy’n seiliedig ar dystiolaeth
• Hwyluso dysgu wedi’i bersonoli sy’n canolbwyntio ar berfformiad
• Cyfraith Cyflogaeth Arbenigol

Bydd y cwrs yn cael ei ddarparu drwy ddysgu wyneb yn wyneb, yn y dosbarth, bob wythnos. 

I ennill y cymhwyster hwn, rhaid cyflwyno aseiniadau ar gyfer pob uned.

Ffi Cofrestru rhan amser: £40.00

Ffi Arholiad : £154.00

Ffi Cwrs: £2,506.00

Rhaid ichi:

• fod yn gweithio yn y maes AD neu mewn rôl sy’n gysylltiedig ag AD neu rhaid ichi feddu ar brofiad o weithio mewn rôl sy’n gysylltiedig ag AD

• gallu cyflwyno tystiolaeth o gymwysterau perthnasol e.e. cymwysterau TGAU, CIPD Lefel 3 neu dystysgrifau Gradd

Ar ôl ymgeisio, byddwch yn cael Holiadur Datganiad Personol i’w lenwi a byddwch yn ei drafod yn nes ymlaen mewn cyfweliad rhithwir gyda Thiwtor y Cwrs, a fydd yn asesu pa mor addas ydych ar gyfer y cymhwyster CIPD hwn trwy ddefnyddio’r canllawiau CIPD. Os byddwch yn llwyddiannus, byddwch yn cael cynnig i gofrestru. Ar ôl ichi gofrestru, bydd CAVC yn anfon dolen atoch i drefnu eich aelodaeth CIPD (os nad oes gennych un yn barod) – mae hyn yn hanfodol ar gyfer cwblhau unrhyw gymhwyster CIPD. Sylwer: ni fydd costau’r cwrs yn talu am unrhyw Aelodaeth CIPD, gan mai aelodaeth bersonol fydd hi.

• Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.

• Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.

• Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.

• Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.

• Gall ffioedd cyrsiau newid. Cadarnheir eich ffi cyn ymrestru.

• Mae pob cwrs yn fanwl gywir adeg uwchlwytho neu argraffu'r deunydd hwn.

• Dim ond os oes niferoedd digonol y cynhelir y cyrsiau.

• Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.