Ydych chi’n barod i fynd â’ch menter fechan i’r lefel nesaf, neu droi syniad busnes yn fenter hyfyw?
Mae’r rhaglen hon, sydd wedi’i hariannu’n llawn, yn cynnig cyfle unigryw i wneud hynny. Wedi’i chyflwyno mewn partneriaeth ag arweinwyr diwydiant, mae’n darparu mentora wedi’i deilwra drwy eich paru â gweithiwr proffesiynol profiadol o’ch sector, ochr yn ochr â gweithdai ymarferol sydd wedi’u cynllunio i’ch arfogi â’r sgiliau a’r hyder i lwyddo. Byddwch hefyd yn cael y cyfle i fireinio eich sgiliau cyflwyno, archwilio llwybrau cyllido posibl, a datblygu cynllun busnes sy’n barod i’w ddefnyddio yn y byd go iawn.
Mae’r Rhaglen Entrepreneuriaeth yn gwrs tair wythnos, llawn amser wedi’i chynllunio ar gyfer darpar entrepreneuriaid, perchnogion busnes mewn camau cynnar ac unigolion sy’n dymuno dod â syniad busnes yn fyw mewn amgylchedd strwythuredig a chefnogol.
Drwy gydol y rhaglen, byddwch yn datblygu sgiliau ymarferol, sydd â galw amdanynt ar draws meysydd allweddol yn cynnwys offer digidol, cyllid, deddfwriaeth, gofal i gwsmeriaid, a chynllunio busnes. Bydd cyfranogwyr hefyd yn ennill cymwysterau a gydnabyddir yn genedlaethol:
· Dyfarniad Lefel 2 ILM mewn Arweinyddiaeth a Sgiliau Tîm
· AgoredCymru Lefel 2 Uned: Cyfrifon Cyfrifiadurol
· AgoredCymru Lefel 2 Uned: Rheoli Cyllideb
Mae’r rhaglen yn cyfuno gweithdai ymarferol, siaradwyr gwadd arbenigol, a hyfforddiant cydymffurfio â’r byd go iawn i sicrhau eich bod yn hollol barod i lansio a rheoli eich busnes. Bydd gweithdai cynllun busnes pwrpasol yn eich arwain drwy bob cam datblygu, gan sicrhau eich bod yn gadael gyda map ffordd clir a chyraeddadwy.
Nodwedd allweddol o’r rhaglen yw’r cyflwyniad cynllun busnes terfynnol, lle byddwch yn cyflwyno eich syniad i banel o weithwyr proffesiynol mewn diwydiant. Mae hyn yn darparu adborth gwerthfawr, y cyfle i ehangu eich rhwydwaith, a mynediad posibl at gymorth pellach a chyfleoedd cyllido.
Os ydych chi o ddifri ynghylch dechrau neu ddatblygu busnes, mae’r rhaglen hon y darparu’r wybodaeth, y cymorth, a’r cysylltiadau i’ch helpu i fynd yn eich blaen yn hyderus.
Caiff y cwrs hwn ei gynnal yn ein Campws Canol y Ddinas o 9.30am tan 4pm, ddydd Llun i ddydd Gwener am dair wythnos.
Cymwysterau
Dyfarniad Lefel 2 ILM mewn Arweinyddiaeth a Sgiliau Tîm
Agored Cymru Uned Lefel 2: Cyfrifon Cyfrifiadurol
Agored Cymru Uned Lefel 2: Rheoli Cyllideb
Sgiliau Meddal
Cydymffurfedd Ariannol
Rhagori mewn Gofal i Gwsmeriaid
Datblygu cynllun busnes gyda diwrnod gweithdy
Cyfle i gwrdd a rhwydweithio â siaradwyr gwadd o sawl maes yn y diwydiant
Technegau cyflwyno
Cyfle i gyflwyno eich cynllun busnes i banel o arbenigwyr i gael adborth
Y broses ymgeisio: Ar ôl i chi gyflwyno eich cais, bydd aelod o’r tîm yn cysylltu i’ch gwahodd chi i gyflwyno “Cyflwyniad Cryno” 200-500 o eiriau ar eich busnes ac i gadarnhau y bydd eich gallu ysgrifenedig yn bodloni safonau Corff Dyfarnu’r cymhwyster.
Rydych chi'n gymwys ar gyfer y cwrs hwn os:
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.