Multiply
Beth yw Multiply?
Mae’r rhaglen Multiply, a ariennir gan Gronfa Ffyniant Gyffredin y DU, yn cynnig cyrsiau rhifedd a ariennir yn llwyr er mwyn helpu oedolion i wella’u sgiliau rhifedd, magu hyder ac ennill cymwysterau. Caiff y rhaglen ei hanelu at oedolion 19 oed neu hŷn sy’n byw neu’n gweithio ym Mro Morgannwg.
Pa gyrsiau sydd ar gael?
Rydym yn gweithio gyda nifer o bartneriaid i gyflwyno cyrsiau yn y gymuned ar gyfer unigolion, teuluoedd a chyflogwyr er mwyn diwallu anghenion penodol.
Bydd y cyrsiau’n amrywio o gyrsiau i ddechreuwyr i gyrsiau uwch fel TGAU Mathemateg, Cymwysterau Sgiliau Hanfodol, neu gymwysterau cyfwerth, felly bydd modd ichi ddysgu wrth eich pwysau.
Pam y dylech astudio cwrs Multiply?
Nod cyrsiau Multiply yw gwella hyder dysgwyr mewn sgiliau rhifedd. Gall sgiliau rhifedd da esgor ar gyfleoedd swyddi ac arwain at gyflogau uwch neu eich paratoi ar gyfer astudiaeth bellach. Hefyd, byddant o fudd mewn bywyd beunyddiol, fel helpu plant gyda gwaith cartref a chyllidebu arian.
Ar gyfer Unigolion a Theuluoedd
Rhaglen Teuluoedd yn Dysgu Gyda’i Gilydd CCAF
Addysg Sylfaenol i Oedolion
Sgiliau ar gyfer Cyflogaeth
Ar gyfer Cyflogwyr
Mae Multiply ar gael i gyflogwyr hefyd, er mwyn cynorthwyo i asesu a hybu lefel sgiliau eich gweithlu. Mae cyrsiau pwrpasol undydd neu hanner diwrnod ar gael, a bydd y sesiynau’n cael eu teilwra ar sail y sgiliau allweddol a bennir gan gyflogwyr a’r sgiliau allweddol y mae’n ofynnol i’w gweithwyr feddu arnynt i fod yn gymwys yn eu rôl. Cliciwch isod i gael rhagor o wybodaeth.