Yn 2016, agorwyd Academi gyntaf risual Microsoft yng Nghymru, i gefnogi anghenion digidol unigolion, busnesau a chymunedau ledled y brifddinas ranbarth. Gyda diffyg sgiliau digidol sylfaenol ymhlith traean poblogaeth Cymru, roedden ni eisiau buddsoddi mewn canolfan i helpu i ddatblygu'r sgiliau hyn ar ein Campws ni yng Nghanol y Ddinas. Rydyn ni wedi ffurfio partneriaeth gyda risual i gynnig amrywiaeth o dystysgrifau Microsoft, cymwysterau cyfrifiadurol mwyaf cydnabyddedig y Byd i helpu i wella sgiliau a galluoedd ar draws rhaglenni Microsoft Office. Mae ein cymwysterau MOS yn ddelfrydol ar gyfer busnesau neu unigolion sydd eisiau gwella eu galluoedd gyda phecynnau meddalwedd allweddol fel Excel, Word, PowerPoint ac Outlook.