Mae'r cwrs Sylfaen AAT (Cymdeithas Technegwyr Cyfrifyddu) hwn yn gymhwyster cadw cyfrifon lefel mynediad, sy'n ddelfrydol ar gyfer unrhyw un sy'n chwilio am gyflwyniad i hanfodion a sgiliau sylfaenol y maes. Mae'r cwrs hyblyg hwn wedi'i gyflwyno mewn partneriaeth â Mindful Education.
Mae darlithoedd fideo ar-lein ar gael ar alw, a gellir eu gwylio o’ch ffôn, llechen neu gyfrifiadur, felly cewch ddewis sut, pryd a lle rydych eisiau astudio. Mae bob gwers yn para tua 45 munud ac yn cynnwys animeiddiadau a graffeg symudol i ddod â chysyniadau yn fyw. Mae ymarferion, astudiaethau achos rhyngweithiol ac offer dadansoddi yn helpu i gyfoethogi'r profiad dysgu ymhellach.
Bydd y tiwtor yn darparu cymorth, arweiniad ar gynydd ac asesiadau.
Bydd y cwrs byr hwn, a astudir dros bedwar mis, yn rhoi’r sgiliau a’r wybodaeth sydd eu hangen arnoch i reoli cyfrifon yn effeithiol - gan gynnwys cadw cyfrifon cofnod dwbl, a dogfennau a phrosesau cysylltiedig, hyd at safon Mantolen Brawf.
Ar ôl cwblhau'r cwrs hwn yn llwyddiannus, byddwch yn cael Tystysgrif Sylfaen AAT Lefel 2 mewn Cadw Cyfrifon. Mae'r cymhwyster AAT (Cymdeithas Technegwyr Cyfrifyddu) hwn, a gydnabyddir yn rhyngwladol, yn galluogi'r rhai sy'n gweithio ym maes cyfrifeg neu sy'n awyddus i ddilyn gyrfa yn y maes i ennill gwybodaeth, profiad ymarferol a'r ardystiad hollbwysig sy'n aml yn ofynnol gan gyflogwyr.
Gellir defnyddio’r cymhwyster hwn fel llwybr cyflym i Ddiploma Uwch yr AAT mewn Cyfrifeg.
Unedau Astudio
Cyflwyniad i Gadw Cyfrifon
Egwyddorion Rheolaethau Cadw Cyfrifon
Deilliannau dysgu:
Deall trafodion ariannol o fewn system cadw cyfrifon
Prosesu trafodion cwsmeriaid
Prosesu trafodion cyflenwyr
Prosesu derbynebau a thaliadau
Prosesu trafodion drwy’r cyfriflyfrau hyd at y fantolen brawf
Deall rheolaethau mewn system cadw cyfrifon
Defnyddio cyfrifon rheoli
Defnyddio’r dyddlyfr
Cysoni cyfriflen banc gyda'r llyfr arian parod
Byddwch hefyd yn datblygu sgiliau cyfathrebu busnes a dysgu gydol oes, ac yn cymhwyso'r hyn rydych yn ei ddysgu ar y cwrs i'r cyd-destun diwydiant ehangach.
Caiff y cwrs hwn ei asesu drwy ddau arholiad ar gyfrifiadur, sef un ar ddiwedd bob uned.
Dilyniant
Ar ôl cwblhau'r cwrs hwn yn llwyddiannus, gallwch symud ymlaen i lefelau uwch y Cymhwyster Cyfrifeg AAT (Lefel 3 ac yna ymlaen i Lefel 4).
Efallai y bydd myfyrwyr sy'n cwblhau Tystysgrif Uwch yr AAT mewn Cadw Cyfrifon yn dymuno symud ymlaen i gwblhau Tystysgrif Sylfaen lawn yr AAT mewn Cyfrifeg. Os byddwch yn dewis parhau â'ch astudiaethau yn y ffordd hon, bydd eich cyflawniadau yn y cymhwyster Cadw Cyfrifon yn cael eu trosglwyddo i'r cymhwyster Cyfrifeg hirach.
Cyfleoedd gyrfaol
Bydd y sgiliau a'r wybodaeth y byddwch yn eu meithrin drwy'r cymhwyster hwn yn eich gwneud yn gymwys ar gyfer swyddi megis Cynorthwyydd Clercyddol, Ceidwad Cyfrifon dan Hyfforddiant, Clerc Cyfrifon, Cynorthwyydd Cyllid a Gweinyddwr Cyfrifon.
Gwybodaeth ychwanegol
*Ffioedd cofrestru dysgwyr i’w talu’n uniongyrchol i’r AAT, yn ychwanegol at y Ffioedd Cwrs. Mae’r rhain yn amodol ar newid gan yr AAT ym mis Awst
Ffioedd Cofrestru 2023/24
Lefel 2 Cadw Cyfrifon = £66
Ffi Cwrs: £350.00
Ffi Arholiad : £125.00
Ffi Cofrestru rhan amser: £40.00
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.