Diploma Cyswllt mewn Rheoli Pobl CIPD - Ar-lein a Dosbarth Rhithiol
Ynghylch y cwrs hwn
Mae Diploma Cyswllt CIPD Lefel 5 mewn Rheoli Pobl yn gymhwyster adnoddau dynol lefel ganol a fydd yn eich helpu i ennill dealltwriaeth ddyfnach o'r ymddygiadau proffesiynol sy'n arwain at lwyddiant sefydliadol. Dysgwch sut i reoli perthnasoedd, meithrin talent, arwain cynllunio strategol a gwobrwyo perfformiad.
Mae'r cymhwyster hwn yn berffaith ar gyfer gweithwyr proffesiynol ym maes adnoddau dynol sy'n mwynhau datblygu a rheoli pobl. Byddwch yn ehangu eich gwybodaeth am adnoddau dynol drwy gyfuniad o unedau craidd a meysydd arbenigol – gan eich helpu i ganolbwyntio ar yr hyn sydd bwysicaf i chi.
Caiff y cwrs hyblyg hwn ei ddarparu mewn partneriaeth â Mindful Education, ac mae'n cyfuno dysgu ar-lein â gwersi wyneb yn wyneb yn yr ystafell ddosbarth (trefniant 'Ar-lein ac ar y Campws').
Sylwch: Mae'r cwrs yn dechrau ar 14 Medi. Efallai y bydd dyddiadau cychwyn ychwanegol ar gael.
Cynhelir sesiynau yn yr ystafell ddosbarth bob pythefnos, ar foreau Llun rhwng 9:30am ac 11:30am (yn ystod tymor y coleg yn unig).
Beth fyddwch chi’n ei astudio
Mae'r cymhwyster hwn yn darparu sylfaen gadarn i roi'r hyder a'r gallu i weithwyr proffesiynol arwain eu penderfyniadau, eu gweithredoedd a'u hymddygiad.
Unedau astudio
Bydd dysgwyr yn astudio tair uned graidd, tair uned arbenigol ac yn dewis un uned ddewisol:
Unedau craidd:
Perfformiad a diwylliant sefydliadol yn ymarferol
Ymarfer sy'n seiliedig ar dystiolaeth
Ymddygiad proffesiynol a gwerthfawrogi pobl
Unedau arbenigol:
Rheoli perthnasoedd cyflogaeth
Rheoli talent a chynllunio'r gweithlu
Gwobrwyo am berfformiad a chyfraniad
Gellir trafod unedau dewisol gyda'ch tiwtor.
Dull astudio – Ar-lein ac ar y campws
Rydym wedi partneru â Mindful Education i gyflwyno'r cwrs hwn drwy ein model hyblyg sy'n cyfuno astudio ar-lein ac ar y campws.
Ar-lein, byddwch yn astudio gwersi fideo arobryn sydd ar gael ar alw, a gellir eu gwylio ar eich ffôn, tabled neu gyfrifiadur – sy'n golygu y gallwch ddewis sut, pryd a ble rydych chi am astudio. Mae'r gwersi'n cynnwys animeiddiadau a graffeg symudol i ddod â chysyniadau'n fyw. Mae cwestiynau ymarfer, deunyddiau gwersi y gellir eu lawrlwytho ac astudiaethau achos rhyngweithiol yn helpu i wella'r profiad dysgu ymhellach.
Dylai dysgwyr ddisgwyl treulio tua 3-5 awr yn astudio'n annibynnol ar-lein bob wythnos.
Ar y campws, byddwch yn elwa ar ddosbarthiadau rheolaidd gyda thiwtor y coleg – heb orfod ymrwymo i fynychu nifer o nosweithiau bob wythnos. Bydd eich tiwtor yn adolygu'r hyn rydych chi wedi'i ddysgu yn ystod eich gwersi ar-lein ac ar gael i roi arweiniad ar gynnydd ac asesu. Bydd trafodaethau rheolaidd gyda chyd-ddisgyblion yn helpu i atgyfnerthu pwyntiau allweddol, gan ddarparu'r gefnogaeth a'r cymhelliant ychwanegol sy'n deillio o fod yn rhan o grŵp hefyd.
Sut caf fy asesu?
Caiff aseiniadau eu gosod gan CIPD ar gyfer pob uned, a bydd angen i ddysgwyr basio pob uned er mwyn ennill y cymhwyster.
Ffïoedd cwrs
Ffi Cwrs: £3,295.00
Gofynion mynediad
Gallwch wneud cais am y cwrs hwn os ydych chi:
• Yn 19 oed neu'n hŷn • Ddim mewn addysg amser llawn ar hyn o bryd neu wedi cofrestru ar gwrs a ariennir gyda CCAF
• Yn gallu darparu tystiolaeth o TGAU Saesneg (A–C) neu gymhwyster cyfatebol/uwch. Os na allwch ddarparu'r dystiolaeth hon, efallai y gofynnir i chi gwblhau tasg ysgrifenedig fer
• Yn gweithio ar hyn o bryd mewn rôl ymarfer pobl uwch, neu â phrofiad o wneud hynny, yn arwain a rheoli pobl ac ymarfer o fewn sefydliad
Pwyntiau pwysig
Mae'r Coleg yn croesawu cyswllt â rhieni / gwarcheidwaid myfyrwyr sy'n iau na 18 oed.
Mae cefnogaeth ychwanegol ar gael i fyfyrwyr sydd ag anableddau ac anawsterau dysgu.
Mae Coleg Caerdydd a'r Fro wedi ymrwymo i gynhwysiant ac mae'n gwerthfawrogi amrywiaeth. Rydym yn benderfynol o hybu cyfleoedd cyfartal a thrin pawb yn deg a gyda pharch.
Mae Coleg Caerdydd a'r Fro yn cadw'r hawl i wneud newidiadau i'r cwrs hwn heb rybudd ymlaen llaw.
Gall ffioedd cyrsiau newid. Cadarnheir eich ffi cyn ymrestru.
Mae pob cwrs yn fanwl gywir adeg uwchlwytho neu argraffu'r deunydd hwn.
Dim ond os oes niferoedd digonol y cynhelir y cyrsiau.
Sylwer, os byddwch yn dewis tri chwrs neu fwy, efallai y cewch eich cyfeirio i gael apwyntiad gyrfaoedd i ddechrau. Nid yw hyn yn berthnasol i ddewisiadau Safon Uwch na TGAU.
Dyddiad dechrau
Dyddiad gorffen
Amser o'r dydd
Rhan Amser
Cod y cwrs
Cymhwyster
Rhagolygon gyrfa ac astudio pellach
Bydd cwblhau Diploma Cyswllt Lefel 5 CIPD mewn Rheoli Pobl yn eich galluogi i symud ymlaen i astudio cymwysterau uwch Lefel 7 CIPD.
Cyfleoedd gyrfa
Pan fyddwch yn cwblhau Diploma Cyswllt Lefel 5 CIPD mewn Rheoli Pobl, byddwch yn cael Aelodaeth Gyswllt CIPD, a’r dynodiad “Assoc CIPD” ar ôl eich enw. Mae hyn yn sefydlu eich hygrededd fel gweithiwr proffesiynol, yn codi eich proffil ac yn agor drysau i gyfleoedd swydd newydd.