Diolch am eich diddordeb. Rydym wedi dyrannu’r holl arian sydd ar gael ar gyfer y fenter hon erbyn hyn.
Yn dilyn llwyddiant Recriwtio a Hyfforddi, bydd Prifddinas Ranbarth Caerdydd yn parhau i gefnogi’r cynllun cymhelliad cyflogaeth hyd 31 Gorffennaf 2025, gyda ffocws ar gefnogi pobl ifanc wrth iddynt drosglwyddo i fyd cyflogaeth.
Mae’r cynllun cymhelliad hwn yn agored i bob BBaChau yn y sector preifat ar draws Prifddinas Ranbarth Caerdydd gyda rolau yn y sector neu sgiliau gweithgynhyrchu uwch, digidol neu sero net.
Lle mae cyflogwr yn cymryd arno berson ifanc sydd wedi’i recriwtio ac sydd rhwng oedran 19-24 oed, gall y cyflogwr hawlio cefnogaeth o £2,000 tuag at ei recriwtiad newydd. Mae hyn yn darparu cefnogaeth ariannol i’r cyflogwr yn ystod cyfnod cynefino’r person ifanc.
Meini prawf cymhwysedd ar gyfer yr ariannu:
- Busnesau sector preifat maint bach neu ganolig sy’n cyflogi hyd at 250 o weithwyr ac sydd wedi’u lleoli yn un o awdurdodau lleol de-ddwyrain Cymru o fewn Prifddinas Ranbarth Caerdydd (Caerdydd, Pen-y-bont ar Ogwr, Blaenau Gwent, Caerffili, Sir Fynwy, Casnewydd, Rhondda Cynnon Taf, Torfaen neu fro Morgannwg)
- Recriwtio ar gyfer swydd newydd neu swydd wag, nad yw’n cyflenwi yn ystod salwch, mamolaeth nac yn cymryd lle rôl a ddiswyddwyd.
- Mae’n rhaid i’r rôl fod am leiafswm o 12 mis cytundeb llawn amser, gydag isafswm o 30 awr yr wythnos ac yn talu’r isafswm Costau Byw Gwirioneddol (£12.60/awr isafswm)
- Recriwtio ar gyfer net sero / gwyrdd, gweithgynhyrchu uwch neu rolau digidol.
- Heb fod yn derbyn unrhyw gyllid arall ar gyfer recriwtio’r rôl hon a heb fod yn gallu ymgeisio ar gyfer cefnogaeth yn ôl-weithredol ar gyfer unigolion a gyflogwyd yn ddiweddar.
- Anogir y sawl sy’n cael ei recriwtio i ymgymryd â rhaglen rhan amser a ariennir yn eu coleg lleol er mwyn cefnogi dilyniant yn eu gyrfa ac a gefnogir gan eu cyflogwr er mwyn iddynt fynychu.
- Gellir defnyddio hwn i gefnogi prentisiaethau cyn belled â’u bod yn alinio gyda’r sector neu sgiliau gweithgynhyrchu uwch, digidol neu sero net.